ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

ಟೆಹ್ರಾನ್, ಫೆ.7: ರಾಷ್ಟ್ರದ ಆರ್ಥವ್ಯವಸ್ಥೆಯ ಅಸಮರ್ಪಕ ಆಡಳಿತ ಸೇರಿದಂತೆ ಹಲವು ಆರೋಪಗಳಿಗೆ ಸಂಬಂಧಿಸಿ ಪ್ರಶ್ನಿಸುವ ಸಲುವಾಗಿ ಅಧ್ಯಕ್ಷ ಮಹ್ಮೂದ್ ಅಹ್ಮದಿನಜಾದ್‌ರಿಗೆ ಇರಾನ್ ಸಂಸತ್ತು ಮಂಗಳವಾರ ಸಮನ್ಸ್ ಜಾರಿಗೊಳಿಸಲು ನಿರ್ಧರಿಸಿದೆ.
1979ರ ಬಳಿಕ ಇರಾನ್‌ನಲ್ಲಿ ಅಧ್ಯಕ್ಷರೋರ್ವರ ವಿರುದ್ಧ ಈ ರೀತಿ ಸಮನ್ಸ್ ಜಾರಿಗೊಳಿಸುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ.

ಅಹ್ಮದಿನಜಾದ್‌ರನ್ನು ಅಧಿಕಾರಕ್ಕೆ ತಂದಿರುವ ಸಂಸದರೇ ಇತ್ತೀಚಿನ ದಿನಗಳಲ್ಲಿ ಅವರ ವಿರುದ್ಧ ಆರೋಪಗಳನ್ನು ಹೊರಿಸಲಾರಂಭಿಸಿದ್ದಾರೆ.

ಅಧ್ಯಕ್ಷರ ನೀತಿ ನಿರ್ಧಾರಗಳ ಬಗ್ಗೆ ಮರುಪರಿಶೀಲನೆ ನಡೆಸುವಂತೆ ಸಂಸದರ ಗುಂಪೊಂದು ಅರ್ಜಿ ಸಲ್ಲಿಸಿದ ಬಳಿಕ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ವರದಿಗಳು ತಿಳಿಸಿವೆ.

ಮುಂದಿನ ಮಾರ್ಚ್ ಎರಡರಂದು ನಡೆಯಲಿರುವ ಸಂಸದೀಯ ಚುನಾವಣೆ ಹಾಗೂ 2013ರಲ್ಲಿ ನಡೆಯಲಿರುವ ಅಧ್ಯಕ್ಷೀಯ ಚುನಾವಣೆಗಳ ಮೇಲೂ ಇದು ರಾಜಕೀಯ ಪರಿಣಾಮ ಬೀರುವ ಸಾಧ್ಯತೆಯಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಿಸಿದ್ದಾರೆ.