ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

♦ ಈಶ್ವರಪ್ಪ-ಯಡಿಯೂರಪ್ಪ ನನ್ನ ದೇವರುಗಳು. ಅವರಿಂದಾಗಿಯೇ ನಾನಿಂದು ಇಷ್ಟು ದೊಡ್ಡ ವ್ಯಕ್ತಿಯಾಗಿದ್ದೇನೆ.
                                                     -ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು, ಮಾಹಿತಿ ತಂತ್ರಜ್ಞಾನ ಸಚಿವ

ಓಟು ಕೊಟ್ಟು ಗೆಲ್ಲಿಸಿದ ಮತದಾರರು ರಾಕ್ಷಸರೆ?

---

♦ನಿತೀಶ್ ಸರಕಾರ ಕಿತ್ತು ಒಗೆಯೋ ತನಕ ನಾನು ನಿದ್ದೆ ಮಾಡಲಾರೆ.
                                                                 -ಲಾಲು ಪ್ರಸಾದ್ ಯಾದವ್, ಮಾಜಿ ರೈಲ್ವೆ ಸಚಿವ
ಅಧಿಕಾರವಿಲ್ಲದೇ ಇರುವಾಗ ನಿದ್ದೆ ಬಾರದೇ ಇರುವುದು ಸಹಜವೇ ಬಿಡಿ.
 

---

    
 ♦ ಅಫ್ಘಾನಿಸ್ತಾನವು ಪಾಕಿಸ್ತಾನದೊಂದಿಗೆ ಹಾಗೂ ಪಾಕಿಸ್ತಾನವು ಭಾರತದೊಂದಿಗೆ ರಚನಾತ್ಮಕ ಸಂಬಂಧವನ್ನು ಹೊಂದುವುದು ಬಹಳ ಅಗತ್ಯವಾಗಿದೆ.
                                                       -ಪಿ.ಜೆ. ಕ್ರಾಲಿ, ಅಮೆರಿಕಾ ವಿದೇಶಾಂಗ ಇಲಾಖೆ ವಕ್ತಾರ
 ಅದಕ್ಕೆ ನೀವು ಅವಕಾಶ ನೀಡುವುದು ಅದಕ್ಕಿಂತಲೂ ಅಗತ್ಯವಾದುದು.

---

     
♦ ಗೋಹತ್ಯೆ ನಿಷೇಧ ಮಸೂದೆ ಅಂಗೀಕಾರಕ್ಕೆ ತಡೆಯೊಡ್ಡುವ ಶಕ್ತಿಗಳ ವಿರುದ್ಧ ಬೀದಿಗಿಳಿಯುವುದು ಅನಿವಾರ್ಯ.
                                                                        -ಡಾ.ವಿ.ಎಸ್. ಆಚಾರ್ಯ, ಗೃಹ ಸಚಿವ
 ಹೀಗೆ ಮಾತನಾಡುತ್ತಿದ್ದರೆ ಈ ನಾಡಿನ ರೈತರೇ ನಿಮ್ಮನ್ನು ವಿಧಾನಸೌಧದಿಂದ ಬೀದಿಗಿಳಿಸುತ್ತಾರೆ.

 

---

♦ ಕೇವಲ ಅಧಿಕಾರ ಗಳಿಸುವುದೇ ಬಿಜೆಪಿಯ ಗುರಿಯಲ್ಲ.
                                                                         -ನಳಿನ್ ಕುಮಾರ್ ಕಟೀಲ್, ಸಂಸದ
ಹಣ ಮಾಡುವುದೂ ಬಿಜೆಪಿಯ ಗುರಿಯಲ್ಲೊಂದು ಎನ್ನುವುದನ್ನು ಬಳ್ಳಾರಿ ಸಾರಿ ಸಾರಿ ಹೇಳುತ್ತಿದೆಯಲ್ಲ.

 

---

♦ ರೆಡ್ಡಿ ಸಚಿವರು ತಮಗೆ ದೇವರೇನೂ ಅಲ್ಲ.
                                                                              -ರೇಣುಕಾಚಾರ್ಯ, ಅಬಕಾರಿ ಸಚಿವ
ರಾಜಕೀಯದಲ್ಲಿ ದೇವರು ದೆವ್ವದ ರೂಪ ತಾಳಲು ಹೆಚ್ಚು ಹೊತ್ತು ಬೇಕಾಗಿಲ್ಲ.

---

♦ ಯಾರೂ ವಯಸ್ಸಿನಿಂದ ದೊಡ್ಡವರಾಗುವುದಿಲ್ಲ, ಕೃತಿಯಿಂದ ದೊಡ್ಡವರಾಗುತ್ತಾರೆ.
                                                      -ನಾಡೋಜ ಪಾಟೀಲ ಪುಟ್ಟಪ್ಪ, ಹಿರಿಯ ಪತ್ರಕರ್ತ
ಆದರೆ ಯಾವುದೇ ಕೃತಿ ಭೈರಪ್ಪನನ್ನು ಯಾಕೆ ದೊಡ್ಡವರನ್ನಾಗಿಸಿಲ್ಲ?
  

---

    
♦ ನಕಲಿ ಹಾಗೂ ಕಳ್ಳಭಟ್ಟಿ ತಡೆಗೆ ಸಾರ್ವಜನಿಕರ ಸಹಕಾರ ಅಗತ್ಯ.
                                                                      -ರೇಣುಕಾಚಾರ್ಯ, ಅಬಕಾರಿ ಸಚಿವ
ಅಸಲಿ ಸಾರಾಯಿ ಕುಡಿದು, ನಕಲಿ ಸಾರಾಯಿಯನ್ನು ತಡೆಯಿರಿ ಎನ್ನುತ್ತಿದ್ದೀರಾ?

 

---

♦ ಕಾಮನ್‌ವೆಲ್ತ್ ಕ್ರೀಡಾಕೂಟಕ್ಕೆ ಈಗಲೂ ನಾನೇ ಒಡೆಯ.
                                  -ಸುರೇಶ್ ಕಲ್ಮಾಡಿ, ಕಾಮನ್‌ವೆಲ್ತ್ ಕ್ರೀಡಾಕೂಟ ಸಂಘಟನಾ ಸಮಿತಿ ಅಧ್ಯಕ್ಷ
ಅಲ್ಲಿ ನಡೆದಿರುವ ಭ್ರಷ್ಟಾಚಾರಕ್ಕೆ ಕೂಡ.
 

---

    
♦ ಪಾಕಿಸ್ತಾನದಲ್ಲಿ ಸೇನಾ ಕ್ಷಿಪ್ರಕ್ರಾಂತಿ ಪ್ರಯತ್ನ ್ಕೆ ಸೇನೆ ಕೈ ಹಾಕುವಷ್ಟು ಪರಿಸ್ಥಿತಿ ಹದಗೆಟ್ಟಿಲ್ಲ.
                                                                   -ಆಸಿಫ್ ಅಲಿ ಝರ್ದಾರಿ, ಪಾಕ್ ಅಧ್ಯಕ್ಷ
ಇಷ್ಟೆಲ್ಲ ಪ್ರಯತ್ನಿಸಿದರೂ, ಪರಿಸ್ಥಿತಿ ಹದಗೆಟ್ಟಿಲ್ಲ ಎಂದು ಅಚ್ಚರಿಯೆ?

---

 

♦ ಹಳದಿ ಪತಾಕೆಗೆ ಯಾರಾದರೂ ಅವಮಾನ ಮಾಡಿದಲ್ಲಿ ಇಡೀ ಬಿಲ್ಲವ ಸಮಾಜ ಸಹಿಸುವುದಿಲ್ಲ.
                                                            -ಜನಾರ್ದನ ಪೂಜಾರಿ, ಕೇಂದ್ರ ಮಾಜಿ ಸಚಿವ
 ಕಳೆದ ಚುನಾವಣೆಯಲ್ಲಿ ಬಿಲ್ಲವರು ಸಹಿಸದೇ ಇರುವಂತಹ ಅವಮಾನ ಅದೇನು ಮಾಡಿದ್ದಿರಿ?

---

     
♦ ಇತ್ತೀಚಿನ ಕೆಲವು ಬಾಂಬ್ ಸ್ಫೋಟಗಳಲ್ಲಿ ಭಾಗಿಯಾಗಿರುವ ‘ಕೇಸರಿ ಭಯೋತ್ಪಾದಕರು’ ಸೇರಿದಂತೆ ಎಲ್ಲ ರೀತಿಯ ಭಯೋತ್ಪಾದಕ ಸಂಘಟನೆಗಳ ಬಗ್ಗೆ ರಾಜ್ಯಗಳ ಪೊಲೀಸರು ಕಟ್ಟುನಿಟ್ಟಿನ ನಿಗಾ ಇಡಬೇಕು.
                                                                           -ಪಿ.ಚಿದಂಬರಂ, ಕೇಂದ್ರ ಗೃಹ ಸಚಿವ
ಕೊನೆಗೂ ಕಣ್ಣನ್ನು ಕವಿದ ಕೇಸರಿ ಬದಿಗೆ ಸರಿಯಿತೆ ಗೃಹ ಸಚಿವರೆ?

---

     
♦ ವ್ಯಕ್ತಿ ಬದುಕಿದ್ದಾಗ ಮಾಡಿದ ಒಳ್ಳೆಯ ಕೆಲಸಗಳಿಂದ ಸಮಾಜ ಆತನನ್ನು ನಿರಂತರವಾಗಿ ನೆನಪಿಸುತ್ತದೆ.
                                                        -ಕುಂಬ್ಳೆ ಸುಂದರ ರಾವ್, ಯಕ್ಷಗಾನ ಅಕಾಡಮಿ ಅಧ್ಯಕ್ಷ
ಸುರತ್ಕಲ್ ಗಲಭೆಯಲ್ಲಿ ನೀವು ಮಾಡಿದ ಒಳ್ಳೆಯ ಕೆಲಸಗಳನ್ನು ಸಂತ್ರಸ್ತರು ಈಗಲೂ ಕಣ್ಣೀರು ಸುರಿಸುತ್ತಾ ನೆನಪಿಸಿಕೊಳ್ಳುತ್ತಾರೆ.

---