ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

*ನನ್ನ ತಂದೆ ಹಾಕಿ ಕೊಟ್ಟ ಮಾರ್ಗದಲ್ಲೇ ರಾಜಕೀಯದಲ್ಲಿ ನಡೆಯುತ್ತೇನೆ.

-ಮಧು ಬಂಗಾರಪ್ಪ, ದಿ.ಬಂಗಾರಪ್ಪರ ಮಗ

=ಜಾಗರೂಕರಾಗಿರಿ. ಆ ದಾರಿಯಲ್ಲಿ ಮುಂದೆ ಅಸಂಖ್ಯ ಅಪಾಯಕಾರಿ ತಿರುವುಗಳಿವೆ.  

 

---

*ನಾನು ಯಾವುದೇ ವಿಷಯವನ್ನು ಕೈಗೆತ್ತಿಕೊಳ್ಳುವ ಮುನ್ನ ಪ್ರತ್ಯಕ್ಷ ಕಂಡರೂ ಪ್ರಮಾಣಿಸಿ ನೋಡುವವನಾಗಿದ್ದೇನೆ.

-ದೇವೇಗೌಡ, ಮಾಜಿ ಪ್ರಧಾನಿ

=ಕಾಂಗ್ರೆಸ್ ಜೊತೆ ಅಧಿಕಾರವನ್ನು ಪ್ರತ್ಯಕ್ಷ ಕಂಡರೂ ಮತ್ತೆ ಬಿಜೆಪಿ ಜೊತೆ ಅದನ್ನು ಪ್ರಮಾಣಿಸಿ ನೋಡಿದ ಭವ್ಯ ಪರಂಪರೆ ನಿಮ್ಮದಲ್ಲವೇ?
   

---

*ರಾಜ್ಯದ ಬಿಜೆಪಿ ಸರಕಾರ ಹುಚ್ಚರ ಸಂತೆ.

-ಕುಮಾರ ಸ್ವಾಮಿ, ಮಾಜಿ ಮುಖ್ಯಮಂತ್ರಿ

=ಆ ಹುಚ್ಚಿಗೆ ಹಿಂದೊಮ್ಮೆ ಮಾಡಿದ ಸಹವಾಸ ದೋಷವೇ ಕಾರಣ ಎಂದು ತಜ್ಞ ವೈದ್ಯರು ವರದಿ ಕೊಟ್ಟಿದ್ದಾರಂತೆ.  

---

*ಅಷ್ಟಮಠಗಳೊಳಗಿನ ಗೊಂದಲಗಳ ಬಗ್ಗೆ ಸಾರ್ವಜನಿಕ ಚರ್ಚೆ ಒಳ್ಳೆಯದಲ್ಲ.

-ಡಾ.ವಿ.ಎಸ್.ಆಚಾರ್ಯ, ಸಚಿವ

 

=ಇಂತಹ ಅನಿಷ್ಟಗಳನ್ನು ದಾರಿಗೆ ತರುವುದು ಬೇಡವೆಂಬ ಸದುದ್ದೇಶವೇ?

---

*ಪ್ರಧಾನ ಮಂತ್ರಿ ಮನಮೋಹನ್ ಸಿಂಗ್ ನನ್ನ ವಿಶ್ವಾಸ ಪಾತ್ರ ಸ್ನೇಹಿತ.

-ಬರಾಕ್ ಒಬಾಮ, ಅಮೆರಿಕ ಅಧ್ಯಕ್ಷ

=ನೀವು ಹೀಗೆಲ್ಲ ಅವರನ್ನು ತಮಾಶೆ ಮಾಡುವುದು ನಿಮ್ಮ ಘನತೆಗೆ ತಕ್ಕುದಾದುದಲ್ಲ.

---

*ಕಸಾಪ ಅಧ್ಯಕ್ಷ ಸ್ಥಾನಕ್ಕೆ ನಾನೂ ಆಕಾಂಕ್ಷಿ
 

-ಡಾ.ಚಂದ್ರಶೇಖರ ಪಾಟೀಲ, ಸಾಹಿತಿ

=ಮತ್ತೆ ಮತ್ತೆ ಕನ್ನಡಿಗರನ್ನು ಕೆಣಕಿದರೆ ಹುಶಾರ್! 

---

*ವಿವಾದಿತ ನೇತ್ರಾವತಿ ನದಿ ತಿರುವು ಯೋಜನೆ ಜಾರಿಗೆ ರಾಜ್ಯ ಸರಕಾರ ಬದ್ಧ.

-ಡಿ.ವಿ.ಸದಾನಂದ ಗೌಡ, ಮುಖ್ಯಮಂತ್ರಿ

=ನಿಮ್ಮ ನಾಲಗೆ ತಿರುಗುವ ವೇಗದ ಬಗ್ಗೆಯೇ ಈಗ ಜನರಿಗೆ ಹೆಚ್ಚು ಭಯ!  

---

*ಬಿಜೆಪಿ ಶೇ. 70ರಷ್ಟು ಶುದ್ಧವಾಗಿದ್ದರೆ, ಉಳಿದ ಪಕ್ಷಗಳ ಶುದ್ಧತೆ ಪ್ರಮಾಣ ಶೇ.20ಮಾತ್ರ.

-ಯಶವಂತ್ ಸಿನ್ಹಾ, ಬಿಜೆಪಿ ಹಿರಿಯ ನಾಯಕ

=ನೀವು ಬಳಸುವ ಸೋಪೇ ನಿಜವಾದ ಸೋಪು! ಉಳಿದವೆಲ್ಲ ಬರೀ ಓಳು.

---

*ಸಮೃದ್ಧ ರಾಷ್ಟ್ರ ನಿರ್ಮಾಣ ಮತ್ತು ಅಭಿವೃದ್ಧಿ ದಿಸೆಯಲ್ಲಿ ಜಾತ್ಯತೀತ ನಿಲುವು ಮತ್ತು ನೆಲದ ಪ್ರೀತಿ ಮುಖ್ಯ.
 

-ಎನ್.ಆರ್.ನಾರಾಯಣ ಮೂರ್ತಿ, ಇನ್ಫೋಸಿಸ್ ಸಂಸ್ಥಾಪಕ

=ಸಮೃದ್ಧ ಸ್ವಕುಟುಂಬ ನಿರ್ಮಾಣ ಮಾಡಿ ಸುಸ್ತಾದವರ ಸಂಧ್ಯಾರಾಗವಿದು. 

---

*ನಾನು ಸೇನೆಯಲ್ಲಿದ್ದುದರಿಂದ ಸೇನೆಯನ್ನು ಯಾವಾಗಲೂ ಬೆಂಬಲಿಸುತ್ತೇನೆ.

-ಪರ್ವೇಝ್ ಮುಶರ್ರಫ್, ಪಾಕ್ ಮಾಜಿ ಅಧ್ಯಕ್ಷ

=ನಿಮ್ಮದು ಕಪಿಸೇನೆ ಎಂಬ ಅಭಿಪ್ರಾಯಕ್ಕೆ ಪಾಕಿಸ್ತಾನದ ಜನರ ಭಾರೀ ಸಹಮತದ ಬೆಂಬಲವಿದೆಯಂತೆ.  

---

*ಇನ್ನೊಂದು ಸಲ ಮುಖ್ಯಮಂತ್ರಿ ಆಗಲ್ಲ ಅನ್ನೋಕೆ ನಾನೇನು ಸನ್ಯಾಸಿಯಲ್ಲ.

-ಯಡಿಯೂರಪ್ಪ, ಮಾಜಿಮುಖ್ಯಮಂತ್ರಿ

 

=ಸದಾನಂದ ಗೌಡರು ನೀವು ಯಡಿಯೂರಪ್ಪನೇ ಅಲ್ಲ ಎಂದು ಹೇಳುತ್ತಿದ್ದಾರಲ್ಲ...  

---

*ಪ್ರಸ್ತುತ ರಾಜಕೀಯ ಸ್ಥಿತಿಯನ್ನು ಗಮನಿಸಿದರೆ ಯಾವುದು ನಿಸ್ವಾರ್ಥ ಸೇವೆ, ಯಾವುದು ಮೋಸ ಎಂಬುದೇ ತಿಳಿಯುವುದಿಲ್ಲ.

-ಸುಭಾಷ್ ಭರಣಿ, ನಿವೃತ್ತ ಪೊಲೀಸ್ ಅಧಿಕಾರಿ

=ಇನ್ನೂ ಒಂದೆರಡು ಪಕ್ಷ ಬದಲಾಯಿಸಿದರೆ ತಿಳಿಯಬಹುದೇನೋ? ಪ್ರಯತ್ನ ಬಿಡಬಾರದು ನೋಡಿ.

 

---

*ಭ್ರಷ್ಟಾಚಾರದಲ್ಲಿ ತೊಡಗಿಸಿಕೊಂಡವರು ಮಾನವರಲ್ಲ.
 

-ನ್ಯಾ.ಎನ್.ಸಂತೋಷ್ ಹೆಗ್ಡೆ, ನಿವೃತ್ತ ಲೋಕಾಯುಕ್ತ

=ಅಂತಹವರಿಗೆ ಯಡಿಯೂರಪ್ಪ ಎಂದು ನಾಮಕರಣ ಮಾಡಿದರೆ ಹೇಗೆ?  

---

*ಬಿಜೆಪಿ ಸರಕಾರ ಕೇವಲ ಮಠಮಾನ್ಯಗಳಿಗೆ ಮೀಸಲಾಗಿಲ್ಲ.
 

-ಡಿ.ವಿ.ಸದಾನಂದ ಗೌಡ, ಮುಖ್ಯಮಂತ್ರಿ

=ಮಾನ್ಯ ಮಠಗಳಿಗೆ ಮಾತ್ರ ಮೀಸಲು ಎಂದು ತಿದ್ದಿಕೊಳ್ಳೋಣ ಬಿಡಿ. 

---

*ದೇವೇಗೌಡರು ನನಗೆ ಮಾದರಿ.
 

-ಪೂಜಾಗಾಂಧಿ, ಜೆಡಿಎಸ್ ಸೇರಿದ ಸಿನಿಮಾ ನಟಿ

=ನೀವು ಹೇಳುವ ಸುಳ್ಳಿಗೆ ದೇವೇಗೌಡರೇ ಬೆಚ್ಚಿ ಬೀಳಬಹುದುರೀ...

---

*ನಮಗೆ ಚಾರಿತ್ರ ಹಾಗೂ ಮನೋಸ್ಥೈರ್ಯವನ್ನು ವೃದ್ಧಿಸುವಂತಹ ಶಿಕ್ಷಣ ಬೇಕು.
 

-ನರೇಂದ್ರ ಮೋದಿ, ಗುಜರಾತ್ ಮುಖ್ಯಮಂತ್ರಿ

=ನಿಮಗೆ ಶಿಕ್ಷಣದ ಅಗತ್ಯವಿದೆ ಎಂಬ ಬಗ್ಗೆ ಯಾರಿಗೂ ಸಂಶಯವಿಲ್ಲ.  

---