ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

ಮಾನ್ಯರೆ,                                                                                                  

ಶಾಂತಿಯಿಂದ, ಸಾಮರಸ್ಯದಿಂದ ಜೀವನ ನಡೆಸುತ್ತಿರುವ ನಮ್ಮ ಜಿಲ್ಲೆಯಲ್ಲಿ ಇತ್ತೀಚೆಗಿನ ದಿನಗಳಲ್ಲಂತೂ ಕೋಮುದ್ವೇಷದ ವಿಷಬೀಜ ಜನರನ್ನು ಭಯಗ್ರಸ್ಥರನ್ನಾಗಿಸಿದೆ. ಒಂದು ಕೋಮು ವನ್ನು ಇನ್ನೊಂದರ ವಿರುದ್ಧ ಹಿಂಸಾತ್ಮಕವಾಗಿ ಎತ್ತಿ ಕಟ್ಟುವುದು ದೇಶದ್ರೋಹವಾಗಿದ್ದು, ಕಾನೂನಿನಲ್ಲಿ ಏಳು ವರ್ಷಗಳಿಗಿಂತ ಹೆಚ್ಚಿನ ಶಿಕ್ಷೆ ಇದೆ. ಕಾನೂನು ಪ್ರಕಾರ ಅಪರಾಧ ಮಾಡುವುದು ಎಷ್ಟು ಶಿಕ್ಷಾರ್ಹವೋ, ಅಪರಾಧಿಯನ್ನು ಸಮರ್ಥಿಸುವುದು ಅಷ್ಟೇ ಶಿಕ್ಷಾರ್ಹ ಅಪರಾಧವಾಗಿದೆ. ಸಮಾಜದಲ್ಲಿ ಕಿಚ್ಚು ಹಚ್ಚುವ ಮೂಲಕ ಕಾನೂನನ್ನು ಕೈಗೆ ತೆಗೆದುಕೊಳ್ಳುತ್ತಿರುವ ಕೆಲವು ನಾಯಕರನ್ನು ತಕ್ಷಣ ಬಂಸಿ ಸೂಕ್ತ ಕಾನೂನು ಕ್ರಮ ಜರಗಿಸಬೇಕಾದ ಅಗತ್ಯವಿದೆ. ಯಾವ ಧರ್ಮವೂ ಹಿಂಸೆಯನ್ನು ಬೋಧಿಸುವುದಿಲ್ಲ.

ಸಮಾಜದಲ್ಲಿ ಸೌಹಾರ್ದತೆಯ ವಾತಾರವರಣವನ್ನು ನಿರ್ಮಿಸಿ, ಉತ್ತಮ ರೀತಿಯಲ್ಲಿ ಜೀವನ ನಡೆಸುವಂತಹ ಸಮಾವೇಶಗಳು ನಡೆಯಬೇಕಾಗಿದೆ. ಆದ್ದರಿಂದ ನಾಗರಿಕ ಸಮಾಜದ ಆತ್ಮ ಸಾಕ್ಷಿಯ ದನಿಯನ್ನು ಪೊಲೀಸ್ ಅಧಿಕಾರಿಗಳು ಕೇಳಿಸಿಕೊಂಡು ದೇಶದ್ರೋಹಿಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕಿದೆ.

-ಕೆ.ಎಂ. ಆಯಿಷಾ ರಫೀಕ್,
ಪುತ್ತೂರು