ಆತ್ಮೀಯ ಓದುಗರೇ,

ವಾರ್ತಾಭಾರತಿಯ ಎಲ್ಲ ಓದುಗರು ಹಾಗೂ ಅಭಿಮಾನಿ ಗಳಿಗೆ ಇಲ್ಲಿದೆ ಒಂದು ಸಂಭ್ರಮ ವಾರ್ತೆ. ಲಕ್ಷಾಂತರ ಅಭಿಮಾನಿ ಗಳು ಬಹುಕಾಲದಿಂದ ನಿರೀಕ್ಷಿಸುತ್ತಿದ್ದ ವಾರ್ತಾಭಾರತಿಯ ವೆಬ್ ಆವೃತ್ತಿ ಇದೀಗ ಬಿಡುಗಡೆಗೊಂಡಿದೆ. ನೀವೀಗ ಜಗತ್ತಿನ ಯಾವ ಭಾಗದಲ್ಲಿದ್ದರೂ ನಿಮ್ಮ ನೆಚ್ಚಿನ ವಾರ್ತಾಭಾರತಿಯ ಎಲ್ಲ ಪುಟ ಗಳನ್ನೂ ಇಂಟರ್‌ನೆಟ್‌ನಲ್ಲಿ ಓದಬಹುದು.

ಒಂದು ಅತ್ಯಾಧುನಿಕ, ಸರ್ವಸಜ್ಜಿತ ವೆಬ್ ಪೋರ್ಟಲ್ ಮೂಲಕ ನವೀನ, ಸೃಜನಶೀಲ ವಿನ್ಯಾಸದೊಂದಿಗೆ ಮೂಡಿ ಬರುವ ವಾರ್ತಾಭಾರತಿಯ ವೆಬ್ ಆವೃತ್ತಿಯು, ತಂತ್ರಜ್ಞಾನದ ದೃಷ್ಟಿಯಿಂದ ಕನ್ನಡ ಪತ್ರಿಕಾ ರಂಗದಲ್ಲೊಂದು ಹೊಸ ಮೈಲಿಗಲ್ಲೆ ನಿಸಲಿದೆ. ಏಕೆಂದರೆ ವಾರ್ತಾಭಾರತಿಯು ಫಾಂಟ್ ಸಂಬಂಧಿ ಕಿರಿಕಿರಿಗಳಿಂದ ಮುಕ್ತವಾದ ‘ಯುನಿಕೋಡ್’ ಮೂಲಕ ತೆರೆಗೆ ಬರುತ್ತಿರುವ ಕೇವಲ ಎರಡನೆ ಕನ್ನಡ ದೈನಿಕವಾಗಿದೆ.

ಸತ್ಯ ನಿಷ್ಠೆ, ತಾತ್ವಿಕ ಬದ್ಧತೆ, ನಿಷ್ಪಕ್ಷ ಧೋರಣೆ, ಸರ್ವರಿಗೆ ಪ್ರಾತಿನಿಧ್ಯ ಮುಂತಾದ ದೃಷ್ಟಿಕೋನಗಳಿಂದ ಮಾತ್ರ ಇದು ಎಂದಿನಂತೆ ತನ್ನ ಅನನ್ಯ ಹಾಗೂ ಅನುಪಮ ಸ್ಥಾನದಲ್ಲೇ ಮುಂದುವರಿಯಲಿದೆ.ಸರಳ ಭಾಷೆಯಲ್ಲಿ ಸಮಗ್ರ ಸುದ್ದಿಯನ್ನು ಓದುಗರಿಗೆ ನೀಡು ವುದು ವಾರ್ತಾಭಾರತಿಯ ವಿಶೇಷತೆ. ಇದೀಗ ವೆಬ್ ಸೈಟ್‌ನಲ್ಲೂ ಸುಲಭವಾಗಿ ಓದಲು ಸಾಧ್ಯವಾಗುವಂತೆ, ಆಕರ್ಷಕ ವಿನ್ಯಾಸದಲ್ಲಿ ಆದಷ್ಟು ಹೆಚ್ಚು ಸುದ್ದಿ/ ಮಾಹಿತಿಗಳನ್ನು ಒದಗಿಸಲಾಗುತ್ತಿದೆ.

ನಿಮಗೆ ಸಂಪೂರ್ಣ ಸುದ್ದಿ, ಮಾಹಿತಿಗಳನ್ನೊಳಗೊಂಡ ಒಂದು ಸಮಗ್ರ ಮಲ್ಟಿಮೀಡಿಯಾ ವೆಬ್‌ಪೋರ್ಟಲನ್ನು ಒದಗಿಸುವ ದೂರದೃಷ್ಟಿ ಯೊಂದಿಗೆ ಅತ್ಯಾಧುನಿಕ ತಂತ್ರಜ್ಞಾನವನ್ನು ಅಳವಡಿಸಿಕೊಂಡು ಈ ಓದುಗ ಸ್ನೇಹಿ ವೆಬ್‌ಸೈಟನ್ನು ರಚಿಸಲಾಗಿದೆ.ವಾರ್ತಾಭಾರತಿಯ ಮಂಗಳೂರು ಹಾಗೂ ಬೆಂಗಳೂರಿನ ಮುದ್ರಣ ಆವೃತ್ತಿಗಳಲ್ಲಿ ಬರುವ ಎಲ್ಲ ಸುದ್ದಿ/ ಮಾಹಿತಿ/ ಲೇಖನ ಗಳನ್ನು ನೀವಿನ್ನು ವೆಬ್‌ಸೈಟ್‌ನಲ್ಲಿ ಓದಬಹುದು. ಜೊತೆಗೆ, ಪ್ರತಿ ವಿಭಾಗದಲ್ಲಿರುವ ಚಿತ್ರಗ್ಯಾಲರಿಯಲ್ಲಿ, ಅಂದಿನ ಮುದ್ರಣ ಆವೃತ್ತಿ ಯಲ್ಲಿ ಪ್ರಕಟವಾಗದ ಹಲವು ಪ್ರಮುಖ ಚಿತ್ರಗಳನ್ನೂ ನೀವು ನೋಡಬಹುದು.

ಅಲ್ಲದೆ ಪ್ರತಿಯೊಂದು ಸುದ್ದಿ, ಲೇಖನಗಳ ಕುರಿತು ನಿಮ್ಮ ಅಭಿಪ್ರಾಯಗಳನ್ನು ಬರೆದು ಚರ್ಚೆ-ಸಂವಾದ ನಡೆಸುವ ಅವಕಾಶವೂ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವುದು.ಮೇ ಅಂತ್ಯದವರೆಗೆ ಈ ವೆಬ್‌ಸೈಟ್ ಪ್ರಾಯೋಗಿಕವಾಗಿ ಮುಂದುವರಿಯಲಿದೆ (http://beta.varthabharathi.net). ಆ ಬಳಿಕ ನಿಮ್ಮ ಸಲಹೆ ಸೂಚನೆಗಳೊಂದಿಗೆ ಅಂತಿಮರೂಪ ಪಡೆದು ಈ ವೆಬ್‌ಸೈಟ್ ಆವೃತ್ತಿಯು ಜೂನ್ 1ರಿಂದ ಪೂರ್ಣ ಪ್ರಮಾಣ ದಲ್ಲಿ ಕಾರ್ಯಾಚರಿಸಲಿದೆ (www.varthabharathi.net).

ಈ ನಿಮ್ಮ ವೆಬ್‌ಸೈಟನ್ನು ಓದುಗಸ್ನೇಹಿ ಹಾಗೂ ಆಕರ್ಷಕಗೊಳಿಸಲು ನಿಮ್ಮ ಸಲಹೆ ಅತ್ಯಗತ್ಯ (feedback@varthabharathi.net). ಇದೀಗ ನಿಮ್ಮ ಇಡೀ ಬಳಗಕ್ಕೆ ವಾರ್ತಾಭಾರತಿ ವೆಬ್‌ಸೈಟನ್ನು ಪರಿಚಯಿಸುವ ಕೆಲಸವನ್ನು ನೀವು ಮಾಡಬೇಕಾಗಿ ವಿನಂತಿ.ವಾರ್ತಾಭಾರತಿಗೆ ನೀವು ಈವರೆಗೆ ನೀಡುತ್ತಾ ಬಂದಿರುವ ಸತತ ಬೆಂಬಲಕ್ಕೆ ನಾವು ಸದಾ ಆಭಾರಿಗಳು.

ಮುಂದೆಯೂ ನಿಮ್ಮ ಪ್ರೋತ್ಸಾಹವನ್ನು ನಿರೀಕ್ಷಿಸುತ್ತೇವೆ.

ವಾರ್ತಾಭಾರತಿ ಬಳಗದ ಪರವಾಗಿ

ಎ.ಎಸ್.ಪುತ್ತಿಗೆ ,ಪ್ರಧಾನ ಸಂಪಾದಕ