ಸತ್ಯ ಎಲ್ಲೆಡೆಗೆ , ಜನದನಿಯ ಸಾರಥಿ , ವಾರ್ತಾಭಾರತಿ

                            ‘‘ ......ಅಲ್ಲಾಹನು ಮಾನವರ ಪಾಲಿಗೆ ತುಂಬಾ ಉದಾರನಾಗಿದ್ದಾನೆ. ಆದರೆ ಹೆಚ್ಚಿನ ಮಾನವರು ಕೃತಜ್ಞತೆ ಸಲ್ಲಿಸುವುದಿಲ್ಲ. ’’ (2: 243)
                                                                                                                                * * *

                            ‘‘ ......ಅದೆಷ್ಟೋ ಸಲ ಒಂದು ಸಣ್ಣ ಗುಂಪು, ಅಲ್ಲಾಹನ ಅಪ್ಪಣೆಯಿಂದ, ದೊಡ್ಡ ಗುಂಪನ್ನು

ಸೋಲಿಸಿದ್ದುಂಟು. ಮತ್ತು ಖಂಡಿತವಾಗಿಯೂ ಅಲ್ಲಾಹನು ಸಹನಶೀಲರ ಜೊತೆಗಿದ್ದಾನೆ. ’’ (2: 249)
* * *
             ‘‘ ಸೌಜನ್ಯದ ಒಂದು ಮಾತು ಮತ್ತು ಕ್ಷಮೆಯು, ದಾನ ಮಾಡಿ ಪೀಡಿಸುವುದಕ್ಕಿಂತ ಉತ್ತಮ...... ’’ (2: 263)
* * *
 
                                ‘‘ ವಿಶ್ವಾಸಿಗಳೇ, ಅಲ್ಲಾಹನಲ್ಲಾಗಲಿ ಪರಲೋಕದಲ್ಲಾಗಲಿ ನಂಬಿಕೆ ಇಲ್ಲದೆ, ಕೇವಲ ಜನರಿಗೆ ತೋರಿಸುವುದಕ್ಕಾಗಿ ತನ್ನ ಸಂಪತ್ತನ್ನು ಖರ್ಚು ಮಾಡುವವನಂತೆ, ನೀವು ಋಣಭಾರ ಹೊರಿಸಿ ಮತ್ತು ಪೀಡಿಸಿ, ನಿಮ್ಮ ದಾನಗಳನ್ನು ವ್ಯರ್ಥಗೊಳಿಸಬೇಡಿ...... ’’ (2: 264)
                                                          * * *

                                         ‘‘ ಅವನು (ಅಲ್ಲಾಹನು) ತಾನಿಚ್ಛಿಸಿದವರಿಗೆ ಯುಕ್ತಿ (ಜಾಣ್ಮೆ)ಯನ್ನು ನೀಡುತ್ತಾನೆ. ಇನ್ನು, ಯಾರಿಗೆ ಯುಕ್ತಿಯನ್ನು ನೀಡಲಾಯಿತೋ ಅವನಿಗೆ ಧಾರಾಳ ಒಳಿತನ್ನು ನೀಡಲಾಯಿತು. ಬುದ್ಧಿಯುಳ್ಳವರ ಹೊರತು ಇತರರು ಪಾಠ ಕಲಿಯುವುದಿಲ್ಲ. ’’ (2: 269)
                                                        * * *
        ‘‘ ......ನೀವು ನಿಮ್ಮ ಮನದೊಳಗಿನ ವಿಚಾರಗಳನ್ನು ಬಹಿರಂಗಗೊಳಿಸಿದರೂ, ಗುಪ್ತವಾಗಿಟ್ಟರೂ ಅಲ್ಲಾಹನಂತು ಆ ಕುರಿತು ನಿಮ್ಮನ್ನು ವಿಚಾರಿಸುವನು...... ’’ (2: 284)
                                                       * * *
          
‘‘ ಅಲ್ಲಾಹನು ಯಾವ ಜೀವದ ಮೇಲೂ ಅದರ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಹೊರೆ ಹೊರಿಸುವುದಿಲ್ಲ...... ’’ (2: 286) *                                                       * *
   ‘‘ ಖಂಡಿತವಾಗಿಯೂ ಭೂಮಿಯಲ್ಲಿ ಮತ್ತು ಆಕಾಶದಲ್ಲಿ ಇರುವ ಯಾವ ವಸ್ತುವೂ ಅಲ್ಲಾಹನಿಂದ ಮರೆಯಾಗಿಲ್ಲ. ’’ (3: 5)
                                                           * * *
                      ‘‘ ಅವನೇ ಗರ್ಭದಲ್ಲೇ ನಿಮ್ಮನ್ನು ತಾನಿಚ್ಛಿಸುವಂತೆ ಚಿತ್ರಿಸುವವನು ..... ’’ (3: 6)
                                                          * * *
                          ‘‘ ಹೇಳಿರಿ! ವಿಶ್ವ ಸಾಮ್ರಾಜ್ಯದ ಒಡೆಯನಾದ ಅಲ್ಲಾಹನೇ, ನೀನು ನೀನಿಚ್ಛಿಸಿದವರಿಗೆ ಸಾಮ್ರಾಜ್ಯವನ್ನು ನೀಡುವೆ ಮತ್ತು ನೀನಿಚ್ಛಿಸಿದವರಿಂದ ಸಾಮ್ರಾಜ್ಯವನ್ನು ಕಿತ್ತುಕೊಳ್ಳುವೆ. ಹಾಗೆಯೇ ನೀನು, ನೀನಿಚ್ಛಿಸಿದವರಿಗೆ ಗೌರವ ನೀಡುವೆ ಮತ್ತು ನೀನಿಚ್ಛಿಸಿದವರನ್ನು ಅಪಮಾನಿತರಾಗಿಸುವೆ. ಒಳಿತೆಲ್ಲವೂನಿನ್ನ ಕೈಯಲ್ಲಿದೆ. ಖಂಡಿತವಾಗಿಯೂ ನೀನು ಎಲ್ಲವನ್ನೂ ಮಾಡಬಲ್ಲವನು. ’’ (3: 26)
                                                          * * *
 

                                    ‘‘ ........ಅಲ್ಲಾಹನು, ದಾಸರ ಪಾಲಿಗೆ ತುಂಬಾ ವಾತ್ಸಲ್ಯಮಯಿಯಾಗಿದ್ದಾನೆ. ’’ (3: 30) ‘‘ (ದೂತರೇ) ಹೇಳಿರಿ; (ಜನರೇ ), ನೀವು ಅಲ್ಲಾಹನನ್ನು ಪ್ರೀತಿಸುವಿರಾದರೆ, ನನ್ನನ್ನು ಅನುಸರಿಸಿರಿ. ಆಗ ಅಲ್ಲಾಹನು ನಿಮ್ಮನ್ನು ಪ್ರೀತಿಸುವನು ಮತ್ತು ನಿಮ್ಮ ಪಾಪಗಳನ್ನು ಕ್ಷಮಿಸುವನು..... ’’ (3: 31)
                                                      * * *
      ‘‘ ಅವರೇನು, ಅಲ್ಲಾಹನ ಧರ್ಮದ ಬದಲು ಬೇರೇನನ್ನಾದರೂ ಹುಡುಕುತ್ತಿದ್ದಾರೆಯೇ? ನಿಜವಾಗಿ ಆಕಾಶಗಳಲ್ಲಿ ಮತ್ತು ಭೂಮಿಯಲ್ಲಿರುವ ಎಲ್ಲವೂ ತಮ್ಮಿಚ್ಛೆಯಿಂದಲೂ ಅನಿವಾರ್ಯವಾಗಿಯೂ ಅವನಿಗೆ ಶರಣಾಗಿ ಬಿಟ್ಟಿವೆ ಮತ್ತು ಎಲ್ಲರೂ ಅವನ ಕಡೆಗೇ ಮರಳಿಸಲ್ಪಡುವರು. ’’ (3: 83)
                                                    * * *
       ‘‘ ನಿಮಗೆ ಪ್ರಿಯವಾದುದನ್ನು ನೀವು (ಅಲ್ಲಾಹನ ಮಾರ್ಗದಲ್ಲಿ) ಖರ್ಚು ಮಾಡಿಬಿಡುವ ತನಕ, ನೀವು ಒಳಿತಿನ ಸ್ಥಾನವನ್ನು ತಲುಪಲಾರಿರಿ. ಇನ್ನು ನೀವು ಮಾಡುವ ಪ್ರತಿಯೊಂದು ಖರ್ಚಿನ ಬಗ್ಗೆಯೂ ಅಲ್ಲಾಹನು ಬಲ್ಲವನಾಗಿದ್ದಾನೆ. ’’ (3: 92)
                                                     * * *
     ‘‘ ಇನ್ನು ನೀವೆಲ್ಲ ಜೊತೆಯಾಗಿ ಅಲ್ಲಾಹನ ಪಾಶವನ್ನು ಭದ್ರವಾಗಿ ಹಿಡಿಯಿರಿ ಮತ್ತು ವಿಚ್ಛಿದ್ರರಾಗಬೇಡಿರಿ...... ’’ (3: 103)
                                                      * * *
       
                        ‘‘ (ಜನರನ್ನು) ಒಳಿತಿನೆಡೆಗೆ ಆಮಂತ್ರಿಸುವ ಹಾಗೂ ಸತ್ಕಾರ್ಯವನ್ನು ಆದೇಶಿಸುವ ಮತ್ತು ಕೆಡುಕಿನಿಂದ ತಡೆಯುವ ಗುಂಪೊಂದು ನಿಮ್ಮಲ್ಲಿರಬೇಕು. ಅವರೇ ವಿಜಯಿಗಳಾಗುವವರು. ’’ (3: 104)